(a traducción do galego a outros idiomas no é de todo fiable)
Taxonomía: Animalia-Arthropoda-Insecta-Diptera-Tephritidae-Chaetorellia-Chaetorellia jaceae
Rareza da especie
habitual Mundial
Estatus da especie
nativo Mundial
nativo España
Esta preciosidade de mosca que mide entre 3 e 5 mm. no seu estado adulto, é difícil de ver a primeira ollada. Estas moscas están asociadas principalmente con plantas da familia Asteraceae, como especies de Centaurea (cardos e acianos). As larvas desta mosca desenvólvense dentro das cabezas florais, onde se alimentan das sementes. A pupación ocorre dentro da cabeza floral, e os adultos emerxen para continuar o ciclo. Habita en praderías, pasteiros e áreas onde crecen as súas plantas hospedadoras.
Require de moi boa fotografía para a súa identificación precisa, e non confundilas con outras do mesmo xénero, ou mesmo da mesma familia, co máximo detalle sobre todo na cabeza e o torax, onde con claridade se aprecien os pelos (setas), entre outros …
Neste caso, e precisamente pola dificultade que ofrece a identificación de Dípteros, foi clave a identificación dun experto (Jordi Clavell), fronte á primeira suxestión que ofrecía a NIA (Chaetostomella cylindrica). O traballo dos expertos que validan as nosas observacións en Observation.org son clave para garantir a calidade dos rexistros de biodiversidade nesta plataforma de Ciencia Ciudadá.
En Ribadeo só constan, a 31/12/2024, dúas observacións desta especie, seguramente debido á dificultade de vela e fotografiala máis que ao seu índice de ocupación nesta zona.
No primerio mapa de presenza desta especie dende o 1900 ata o 31 de Decembro de 2024, podemos ver as observacións validadas por expertos, ou sexa, aquelas observacións nas que está completamente confirmada a especie pola foto que se aportou.
No segundo mapa de presenza podemos ver as observacións que, segundo a NIA, se corresponden con esta especie, pero debido a súa complexidade de identificación, poidera ser que se correspondan con outra do mesmo xénero ou familia.
E para rematar, outras dúas fotografías de Chaetorellia jaceae sacadas en Ribadeo.
