(a traducción do galego a outros idiomas no é de todo fiable)
Podes atopar escaravellos practicamente en calquera hábitat, mesmo acuáticos. Primavera e verán son as mellores estacións para a súa observación. Moitos son nocturnos e acoden á luz. En follaxe, debaixo das pedras ou troncos no bosque, podes ver moitas especies.
Para facilitar a súa identificación deberiamos incluír datos do seu tamaño, que se vexan con precisión as antenas e os extremos das patas (segundo e terceiro par), apéndices bucais (para poder comparar co tamaño das antenas), a maiores vista lateral se é posible, e fotografar ben os élitros (ás duras), sobre todo se ten detalles: pilosidade, escultura elitral (estrías, punteaduras,…). En ocasións, a planta hospedera é determinante para a identificación da especie, polo que deberiamos facer unha fotografía por se fose necesario.
