Agradecementos a Nacho Cabellos e Jordi Clavell pola súa inestimable colaboración para a elaboración destas pautas para facilitar a identificación de moscas.
As moscas pódense atopar nunha gran variedade de ambientes. Son máis abundantes na primavera e verán, aínda que, dependendo do clima, pódense atopar tamén no outono e inverno.
Identificalas a partir dunha fotografía é máis complicado do que parece. En xeral, debemos conseguir o máximo detalle posible, achegar datos sobre o seu tamaño, e no caso de que se atope nalgunha planta, identificar esta última por se fose necesario.
Unha toma dorsal que permita ver a venación alar, unha toma lateral e unha frontal da cabeza, é o ideal para facilitar a identificación da especie, así como conseguir detalle dos pelos das patas e do tórax. No caso dunha única fotografía, o ideal é unha toma frontolateral, na que se aprecien ao mesmo tempo pelos da cabeza, das patas, laterais do torax, …
