O pasado 23 de xullo, celebrouse unha actividade pioneira no marco dun Campus de Verán de fútbol: un bioblitz organizado pola Fundación Denis Suárez e La Caridad F.C., no que participaron 50 nenos acompañados polos seus monitores.
Durante a xornada, os participantes, organizados en grupos, exploraron o entorno natural en busca de especies de flora e fauna, nunha experiencia que combinou deporte, natureza e ciencia cidadá.
A actividade contou coa colaboración da Asociación Fotografía e Biodiversidade, que apoiou tanto na organización como no acompañamento sobre o terreo. Para o rexistro de datos, utilizouse a plataforma de ciencia ciudadá Observation.org. Rexistramos todos os datos a través da súa App ObsIdentify, moi intuitiva e sinxela de usar.
Do mesmo xeito que no fútbol, no mundo da biodiversidade o traballo en equipo é clave: compartir descubrimentos e observar con atención son habilidades tan valiosas no campo de xogo como na exploración do medio natural.
Ademais das especies rexistradas, a xornada deixou momentos inesquecibles e curiosos: un insecto pau apareceu no pantalón xusto mentres se explicaba como usar a app, un sorprendente sepión foi atopado no medio do campo, e mesmo atopamos un morcego de ferradura no coche dun dos monitores. Tamén se descubriu unha sorprendente biodiversidade nos baños do campus, demostrando que a vida silvestre pode aparecer nos lugares máis inesperados: polillas, saltamontes, etc.
Para pechar a semana, o venres 25 celebrouse unha entrega de diplomas, recoñecendo o esforzo e entusiasmo de todos os equipos participantes. Premiouse ao equipo con maior número de observacións (Diploma “No se me escapa ni una”), ao equipo con máis especies rexistradas (Diploma “Ojo de lince”), e ao equipo que atopou a especie máis particular (Diploma “El que hizo decir Wow”): un exemplar de escarabello do xénero Carabus, presumiblemente un Carabus lineatus, que estamos á espera da súa validación por expertos. Esta especie, endémica do noroeste peninsular, é un bo bioindicador de entornos naturais ben conservados, polo que o seu achado foi especialmente significativo.
Ademais, outorgouse un diploma de honra a Javi (Diploma “Guía de aventuras”) en agradecemento pola súa axuda e apoio constante durante toda a xornada.
Esta actividade destaca, ademáis, por ser pioneira por parte dunha Fundación deportiva, demostrando que o deporte tamén pode ser unha porta de entrada para despertar o interese pola natureza.
Noraboa e agradecementos a La Caridad F.C. e a Fundación Denis Suárez, por esta iniciativa, e por confiar en Asociación Fotografía y Biodiversidad, e Observation.org, para levala a cabo!!!!!
