Descubrindo a biodiversidade con “Explorar entorno” en Observation.org
Algunha vez te preguntaches que especies se teñen observado preto da túa casa, no teu Concello, …? Coa ferramenta “Explorar entorno” de observation.org, calquera persoa pode mergullarse no fascinante mundo da biodiversidade local dun xeito sinxelo e visual.
Esta función amosa todas as observacións rexistradas nun lugar concreto durante os últimos 10 días. Pero non queda aí: podes cambiar a data final e ver que se observou nos 10 días anteriores á data que escollas.
É perfecta para familiarizarte co uso de mapas e filtros de localización antes de pasar a ferramentas máis completas. Comezar con “Explorar entorno” permíteche gañar soltura e confianza para sacarlle cada vez máis proveito a observation.org.
O mellor de todo é que calquera usuario ten acceso a estas ferramentas. Non fai falla ser experto para comezar. Abonda con un pouco de curiosidade e ganas de explorar. Coñecer e usar estas funcións convírtenos en pequenos científicos, capaces de observar, rexistrar e compartir as nosas descubertas cunha comunidade global interesada na natureza.
Para axudarche cos primeiros pasos, aquí che deixo dous recursos moi prácticos:
🔗 Explorar entorno paso a paso PDF
🎥 Explorar entorno video tutorial corto
Anímate a probalo!




