Unha experiencia que non esqueceremos fácilmente. Así foi o evento organizado por Dani Prieto, coa colaboración de OCB Ribadeo, no marco da Gran Semana da Biodiversidade (proxectos da Asociación Fotografía y Biodiversidad).
En total, participamos 16 persoas nesta ruta interpretativa pola costa. Debido á sensibilidade do entorno rochoso, tivemos que limitar o grupo, o que nos deixou con ganas de repetir a actividade para dar cabida a todas as persoas interesadas.
A xornada foi unha oportunidade fantástica para aprender e sorprendernos coa biodiversidade do litoral, especialmente na zona intermareal rochosa. Grazas ao coñecemento e á mirada atenta de Dani, puidemos descubrir especies que probablemente nos pasarían desapercibidas á maioría.
Contamos ademais cunha guía elaborada especialmente para esta actividade por Saúl Rodríguez, coa colaboración de Dani. Un recurso moi útil que nos axudou a identificar moitas das especies observadas, en formato PDF
Se che interesa a natureza e queres contribuír ao seu coñecemento, animámoste a saír explorar e a compartir as túas observacións en Observation.org, usando a app ObsIdentify.
En canto ás especies observadas, deixamos unha guía daquelas que fotografiamos ese día, anque hai moitísimas máis … Preme naquela que queiras ollear …
Aquí che deixamos algunas fotos dese día tan especial.
E estate atento …. porque repetiremos!!!!!
